అనుష్కతో ప్రేమ-పెళ్లిపై ప్రభాస్​ క్లారిటీ..!

అనుష్కతో వస్తున్న ప్రేమ, పెళ్లి రూమర్ల గురించి స్పష్టతనిచ్చాడు యంగ్ రెబల్​స్టార్ ప్రభాస్. తమ ఇద్దరి మధ్య స్నేహం తప్ప మరేదీ లేదని ఓ ఆంగ్ల మీడియాకిచ్చిన ఇంటర్వ్యూలో చెప్పాడు.

బాహుబలితో దేశవ్యాప్తంగా క్రేజ్ తెచ్చుకున్న ప్రభాస్ వ్యక్తిగత విషయాలు తెలుసుకునేందుకు అభిమానులు విపరీతంగా ఆసక్తి చూపుతుంటారు. ముఖ్యంగా అనుష్కతో తన బంధం గురించి తెలుసుకోవాలనుకుంటారు. ఈ నేపథ్యంలో స్వీటీతో ప్రేమ-పెళ్లి అంటూ వస్తున్న ఊహాగానాలపై స్పష్టత ఇచ్చాడు రెబల్​ స్టార్​. తమ మధ్య స్నేహం తప్ప మరేదీ లేదని ఓ ఆంగ్ల మీడియాకిచ్చిన ఇంటర్వ్యూలో చెప్పాడు.

"అనుష్క చాలా అందమైన హీరోయిన్. ఆమె నాకు 11 ఏళ్ల నుంచి తెలుసు. మేమిద్దరం కలిసి సినిమాలు చేశాం. అందువల్ల మా ఇద్దరి మధ్య ఏదో ఉందని అనుకుంటున్నారు. బాహుబలితో ఆ పుకార్లు ఇంకా ఎక్కువయ్యాయి. స్నేహం తప్ప మా ఇద్దరి మధ్య ఏమీ లేదని ఎన్నో సార్లు చెప్పా. ఇప్పుడూ అదే చెబుతున్నా".

- ప్రభాస్.

అన్ని చిత్రసీమల్లో పనిచేయాలనుందని చెప్పాడు డార్లింగ్​ ​ హీరో. ప్రజాభిమానాన్ని కాపాడుకోడానికే సినిమా కోసం ఎంతైనా కష్టపడతానని చెప్పుకొచ్చాడీ యంగ్​ రెబల్​స్టార్​.

"నన్ను ప్రజలందరూ ప్రేమించాలని కోరుకుంటున్నా. అందుకే అన్ని చిత్రసీమల్లో పనిచేయాలనుంది. అందుకే బాహుబలి కోసం నాలుగేళ్లు పనిచేసినా.. సాహో కోసం రెండేళ్లు కష్టపడ్డాను. అన్ని రకాల పాత్రలు చేయాలనుంది. ముఖ్యంగా సమాజంలోని సాధారణ వ్యక్తుల పాత్రలు పోషించాలనుంది"

-ప్రభాస్​.

ప్రభాస్​ నటించిన 'సాహో' ఇటీవల విడుదలై... ఆశించిన స్థాయిలో ఆకట్టుకోలేకపోయింది. ప్రస్తుతం 'జిల్' ఫేం రాధాకృష్ణ దర్శకత్వంలో ఓ సినిమా చేస్తున్నాడు ప్రభాస్.

ఇదీ చదవండి: కోహ్లీకి అనుష్క బహుమతి.. భూటాన్​లో విహారయాత్ర