ఆర్ఎక్స్ 100తో ప్రేక్షకులను తన అందాలతో ఫిదా చేసిన ఉత్తరాది భామ పాయల్ రాజ్పుత్. ఆర్డీఎక్స్ లవ్ చిత్రంతో మరోసారి కుర్రకారుకు గిలిగింతలు పెట్టేందుకు వచ్చేస్తోంది. ఇటీవలే ఈ విడుదలైన ఈ సినిమా టీజర్కు విశేష ఆదరణ లభిస్తోంది. అయితే ఈ ప్రచార చిత్రానికి నెటిజన్లు పెట్టిన కామెంట్లు చూసి రాత్రంతా ఏడుస్తూనే ఉందట పాయల్.
"ఆర్డీఎక్స్ లవ్’ టీజర్ విడుదలయ్యాక సోషల్‌ మీడియా ఓపెన్‌ చేస్తే అన్నీ దారుణమైన కామెంట్లే ఉన్నాయి. ఒకరు నన్ను పోర్న్ స్టార్ అని కామెంట్‌ చేస్తే.. మరొకరు సిల్క్‌స్మితలా రెచ్చిపోతున్నావంటూ వ్యాఖ్యానించారు. మరికొన్నయితే చెప్పలేని విధంగా ఉన్నాయి. అవి చూసి రాత్రంతా ఏడుస్తూనే కూర్చున్నా. నేను అంత పెద్ద తప్పు ఏం చేశానా అనిపించింది" - పాయల్ రాజ్పుత్ హీరోయిన్
మహిళలు చర్చించడానికి కూడా ఇష్టపడని సేఫ్టీ, పీరియడ్స్ వంటి కొన్ని ముఖ్యమైన అంశాలను చర్చించామని చెప్పింది పాయల్.
"ఈ చిత్రంతో ప్రజల్లో లైంగిక విజ్ఞానంపై ఓ అవగాహన కల్పించే ప్రయత్నం చేస్తున్నాం అంతే. టీజర్లో చూపించిన ఆ కొన్ని సన్నివేశాలే తెరపై కనిపిస్తాయి తప్ప. సినిమా అంతా అదే ఉండదు. విదేశాల్లో అయితే చిన్నతనం నుంచే పిల్లల్లో లైంగిక విద్యపై ఓ అవగాహన కల్పిస్తారు. అలాంటి వాతావరణం ఇక్కడా రావాలి" -పాయల్ రాజ్పుత్, హీరోయిన్
ప్రస్తుతం ఆర్డీఎక్స్ లవ్తో పాటు వెంకటేష్ - నాగచైతన్య కలిసి నటిస్తుృన్న వెంకీ మామ సినిమాలోనూ హీరోయిన్గా చేస్తోంది పాయల్. ఇది కాకుండా రవితేజ సరసన డిస్కోరాజా.. తమిళంలో ఏంజెల్ అనే చిత్రంలోనూ కీలకపాత్రలో కనిపించనుందీ ఆర్ఎక్స్ 100 భామ.
ఇదీ చదవండి: ఖరీదైన కారులో రణ్వీర్ రయ్రయ్..
