అగ్ర క‌థానాయ‌కులు నిర్మాత‌లుగా మారుతుండటం చూస్తూనే ఉన్నాం. మ‌హేశ్ బాబు ఇప్ప‌టికే సొంత సంస్థ స్థాపించి, చిత్ర నిర్మాణంలో భాగ‌స్వామ్యం తీసుకుంటున్నాడు. ప్ర‌భాస్ చేతిలో యూవీ క్రియేష‌న్స్ ఉంది. నాని, విజ‌య దేవ‌ర‌కొండ లాంటి యువ క‌థానాయ‌కులు కూడా నిర్మాత‌లైపోయారు. ఇప్పుడు ఈ జాబితాలో ఎన్టీఆర్ చేర‌బోతున్న‌ట్లు సమాచారం.
త్వరలోనే ఎన్టీఆర్ ఓ సొంత నిర్మాణ సంస్థ‌ను స్థాపించ‌బోతున్న‌ట్లు తెలుస్తోంది. మ‌హేశ్ బాబులానే, ఇక మీద‌ట తన సినిమాల నిర్మాణంలో పాలు పంచుకునే దిశ‌గా అడుగులు వేస్తున్నాడు. ఓ మంచి రోజు చూసుకుని నిర్మాణ సంస్థ‌కు సంబంధించిన ప్ర‌క‌ట‌న చేసే అవ‌కాశాలున్నాయి. నానిలా చిన్న సినిమాల్నీ రూపొందించే ఆలోచ‌న ఉందట. ప్ర‌స్తుతం ఎన్టీఆర్ 'ఆర్‌ఆర్‌ఆర్‌' షూటింగ్‌లో బిజీగా ఉన్నాడు.
