తలపతి విజయ్ కెరీర్ ప్రస్తుతం జెట్ స్పీడ్లో వెళుతోంది. బ్యాక్ టు బ్యాక్ హిట్స్ అందుకుంటూ దూసుకుపోతున్నాడు. ఇటీవలే వచ్చిన విజల్(బిగిల్) ప్రేక్షకుల ఆదరణ దక్కించుకుంది. తర్వాతి చిత్రం లోకేశ్ కనకరాజ్తో చేస్తున్నాడు. ప్రస్తుతం షూటింగ్ జరుపుకుంటోంది. దీని తర్వాత ఈ కథానాయకుడు శంకర్ దర్శకత్వంలో నటించనున్నాడట. ఇందుకు సంబంధించిన చర్చలు జరుగుతున్నాయని సమాచారం. ఇంతకు ముందే వీరిద్దరి కాంబినేషన్లో 'స్నేహితుడు'(త్రీ ఇడియట్స్ రీమేక్) వచ్చింది.
విజయ్ నటిస్తున్న ప్రస్తుత చిత్రంలో విజయ్ సేతుపతి విలన్గా కనిపించనున్నాడు. ఇందులో కాలేజ్ ఫ్రొఫెసర్, మాఫియా డాన్ పాత్రల్ని పోషిస్తున్నాడు విజయ్.
శంకర్.. 'భారతీయుడు 2'తో బిజీగా ఉన్నాడు. కమల్హాసన్ హీరోగా నటిస్తున్నాడు. రకుల్ ప్రీత్ సింగ్, కాజల్ అగర్వాల్, సిద్ధార్థ్ తదితరులు కీలక పాత్రలు పోషిస్తున్నారు.
ఇది చదవండి: షూటింగ్ జరుగుతుండగానే విజయ్ 64వ సినిమా రికార్డుల వేట
