హీరో రామ్.. మాస్ లుక్లో కనిపించి, అలరించిన సినిమా 'ఇస్మార్ట్ శంకర్'. చాలా కాలం తర్వాత ఈ చిత్రంతో దర్శకుడు పూరీ జగన్నాథ్ హిట్ అందుకున్నాడు. దాదాపు రూ.80 కోట్లకుపైగా కలెక్షన్లు సాధించింది. అయితే దీనికి రెండో భాగం తీసేందుకు సిద్ధమవుతున్నారనే వార్త టాలీవుడ్లో చర్చనీయాంశమైంది. ఇటీవలే ఓ ఆంగ్ల పత్రికకు ఇచ్చిన ఇంటర్వ్యూలో ఈ విషయం గురించి మాట్లాడాడు రామ్.
"ఇస్మార్ట్ శంకర్కు సీక్వెల్ లేదా ప్రీక్వెల్ కావొచ్చు. త్వరలోనే మేం మళ్లీ సినిమా చేయడం ఖాయం. ఈ ప్రాజెక్ట్ ప్రస్తుతం చర్చల దశలో ఉంది. ఇంకా ఫైనల్ కాలేదు. అందుకే ఇంత కంటే ఎక్కువ చెప్పలేను. కానీ కచ్చితంగా సినిమా చేస్తున్నాం" -రామ్, కథానాయకుడు
రామ్.. ప్రస్తుతం 'రెడ్'లో హీరోగా నటిస్తున్నాడు. ఇటీవలే లాంఛంగా ప్రారంభమైందీ చిత్రం. ఈనెల 16 నుంచి షూటింగ్ మొదలు కానుంది. కిశోర్ తిరుమల దర్శకుడు.
పూరీ జగన్నాథ్ ప్రస్తుతం విజయ్ దేవరకొండతో సినిమా చేస్తున్నాడు. సినిమాకు ఫైటర్ అనే టైటిల్ పరిశీలిస్తున్నారు. ఈ చిత్రం పూర్తయిన తర్వాతే రామ్తో చేస్తాడా లేదా ఆ తర్వాత ఇస్మార్ట్కు రెండో భాగం తీస్తాడా అనేది చూడాలి.
