కోలీవుడ్ ప్రముఖ కథానాయకుడు ఇళయ దళపతి విజయ్ సినిమా విడుదల కావడమే ఆలస్యం బాక్సాఫీస్ వద్ద రికార్డుల మోత మోగిస్తుంది. తాజాగా విజయ్ 'ఖైదీ' దర్శకుడు లోకేష్ కనకరాజ్ డైరెక్షన్లో తన 64వ చిత్రం చేస్తున్నాడు. ఈ మూవీకి సంబంధించిన ఓ ఆసక్తికర విషయం సినీ వర్గాల్లో వినిపిస్తోంది. డిజిటల్ మాధ్యమంలో అగ్ర స్థానంలో ఉన్న అమెజాన్ ప్రైమ్ ఈ చిత్రాన్ని ఇప్పటి వరకు ఏ తమిళ సినిమాకు ఇవ్వనంత డబ్బు చెల్లించి డిజిటల్ హక్కులు సొంతం చేసుకుందని సమాచారం. ఫలితంగా చిత్రీకరణ సమయంలోనే ఈ సినిమాపై భారీ అంచనాలు నెలకొన్నాయి.
ఈ మూవీలో విలక్షణ నటుడు విజయ్ సేతుపతి ప్రతినాయకుడిగా నటిస్తున్నాడు. వచ్చే ఏడాది వేసవికి ఈ సినిమా ప్రేక్షకుల ముందుకు రానుంది.
ఇవీ చూడండి.. 'మంచి కెరీర్ కావాలంటే సల్మాన్ను ఫాలో అవ్వండి'
