యువహీరో బెల్లంకొండ శ్రీనివాస్ 'రాక్షసుడు' చిత్రంతో విజయాల బాట పట్టాడు. ఇప్పుడు ఈ హిట్ ట్రాక్ను కొనసాగించాలని నిర్ణయించుకున్న శ్రీనివాస్ సినిమాల ఎంపిక విషయంలో జాగ్రత్తగా ఉంటున్నాడు. అందుకే 'రాక్షసుడు' మూవీ విడుదలైన దాదాపు నాలుగు నెలల తర్వాత కొత్త చిత్రాన్ని ప్రారంభించాడు.
'కందిరీగ' ఫేం సంతోష్ శ్రీనివాస్తో బెల్లంకొండ శ్రీనివాస్ సినిమా చేస్తున్నాడు.. నభా నటేష్ హీరోయిన్గా కనిపించనుంది. నేడు ఈ సినిమా రామానాయుడు స్టూడియోస్లో పూజా కార్యక్రమాలతో ప్రారంభమయింది. టాలీవుడ్కు చెందిన ప్రముఖులు దిల్రాజు, వి.వి వినాయక్తో పాటు పలువురు ఈ కార్యక్రమంలో పాల్గొని సందడి చేశారు.
సుమంత్ మూవీ ప్రొడక్షన్స్ తమ మొదటి చిత్రంగా ఈ సినిమాను నిర్మిస్తున్నారు. యాక్షన్ ఎంటర్టైనర్గా తెరకెక్కనున్న ఈ మూవీలో బెల్లంకొండ శ్రీనివాస్ సిక్స్ ప్యాక్ బాడీతో కనిపించనున్నాడు.
ఇవీ చూడండి.. సమీక్ష- 'రాజావారు-రాణిగారు' మెప్పించిందా..!
