'అర్జున్ సురవరం'తో ఇటీవలే విజయాన్ని అందుకున్నాడు హీరో నిఖిల్. అనేక అవాంతరాలు ఎదురైనా ఈ చిత్రం.. ఎట్టకేలకు విడుదలై, ప్రేక్షకుల మెప్పించింది. ఈ ఆనందంలో కొత్త సినిమా మొదలుపెట్టేందుకు సిద్ధమయ్యాడీ కథానాయకుడు. 'కార్తికేయ' సీక్వెల్లో నటిస్తున్నాడు. ఇందులో హీరోయిన్గా అనుపమ పరమేశ్వరన్ను తీసుకోవాలని చిత్రబృందం భావిస్తోందట.
చందూ మొండేటి దర్శకత్వంలో రూపొందుతున్న ఈ చిత్రం త్వరలో సెట్స్‌పైకి వెళ్లనుంది. ప్రస్తుతం నటీనటుల ఎంపిక జరుగుతోంది. రెండో భాగంలో అనుపమ పాత్రకు ఎంతో ప్రాధాన్యం ఉండబోతుందట. అందుకే ఈ సీక్వెల్లో నటించేందుకు ఆసక్తి కనబరుస్తున్నట్లు తెలుస్తోంది.
తొలి భాగంలో నిఖిల్‌తో జోడీ కట్టిన కలర్స్‌ స్వాతి.. సీక్వెల్లోనూ కనిపించనుంది. ఇందులో ఆమె పాత్రను సర్‌ప్రైజింగ్‌గా ఉండేలా డిజైన్‌ చేశారట. అంటే సినిమాలో ఆమె ఉండేది కొద్దిసేపే అయినా ప్రధాన ఆకర్షణగా నిలవనుందని సమాచారం. అనుపమ పాత్ర మాత్రం నిఖిల్‌తో పాటే సినిమా మొత్తం ప్రయాణం చేస్తుందట.
ఇది చదవండి: బుమ్రాతో రిలేషన్షిప్పై అనుపమ క్లారిటీ
