స్టైలిష్ స్టార్ అల్లు అర్జున్, విలక్షణ దర్శకుడు సుకుమార్ కాంబినేషన్లో వస్తున్న చిత్రం నేడు లాంఛనంగా ప్రారంభమైంది. హైదరాబాద్లో ఈ సినిమాకు సంబంధించిన పూజాకార్యక్రమాలు జరిగాయి. రష్మిక మందణ్న హీరోయిన్గా నటించనుంది.
ముహూర్తపు సన్నివేశానికి అల్లు అరవింద్ క్లాప్ కొట్టగా, దర్శకుడు సురేందర్ రెడ్డి... చిత్రబృందానికి స్క్రిప్టును అందించాడు.
మైత్రీ మూవీ మేకర్స్ క్రియేషన్స్ పతాకంపై ఈ చిత్రాన్ని నిర్మించనున్నారు. ఇంతకుముందు వీరి కాంబినేషన్లో వచ్చిన ఆర్య, ఆర్య-2 ఘనవిజయం సాధించాయి. ఇప్పుడు మరోసారి కలిసి పనిచేయనున్న ఈ సినిమాపై అభిమానుల్లో అంచనాలు పెంచేస్తోంది.
ఇప్పటికే త్రివిక్రమ్ దర్శకత్వంలో 'అల వైకుంఠపురములో..' సినిమాలో నటిస్తున్న అల్లు అర్జున్ తదుపరి చిత్రాన్ని వేగంగా పూర్తి చేయాలనే తలంపుతో ఉన్నాడట.
ఇదీ చదవండి: గుడ్ నైట్తో కుర్రకారు గుండెలను కొల్లగొట్టిన నిధి..!