భారత్​లోని సొంతూరుకు వచ్చిన ఐర్లాండ్ ప్రధాని

ఖండాంతరాలు దాటినా తండ్రి పుట్టిన ఊరిని మరిచిపోలేదు. ఒక దేశానికి ప్రధాని అయినా మూలాల్ని విడిచిపెట్టలేదు. దశాబ్దాల తర్వాత సొంతూరుకు వచ్చి, బంధువులతో కాసేపు సరదాగా గడిపారు ఐర్లాండ్ ప్రధాని. ఈ సందర్భంగా గ్రామస్థులు ఆయనకు డప్పు చప్పుళ్లతో ఘనంగా స్వాగతం పలికారు.

ఐర్లాండ్ ప్రధాన మంత్రి లియో వరద్కర్ మహారాష్ట్రలోని తన సొంతూరుకు వచ్చారు. సింధుదుర్గ్‌ జిల్లా మాల్వన్ తాలూకా వరద్​గావ్​కు కుటుంబ సమేతంగా ఆదివారం చేరుకున్నారు. గ్రామస్థులతో కాసేపు సరదాగా ముచ్చటించారు. స్థానికుడు శ్రీ దేవ్ వెటోబా ఇంటిని సందర్శించారు. తన బంధువైన మాల్వానీ ఇంట్లో భోజనం చేశారు ఐర్లాండ్ ప్రధాని.

లియో తండ్రి అశోక్​ వరద్కర్​... వృత్తిరీత్యా వైద్యుడు. 1960లో ఆయన ఐర్లాండ్​కు వలస వెళ్లారు. అక్కడి మహిళను వివాహం చేసుకున్నారు. వారి కుమారుడు లియో... ఐర్లాండ్​లోని ప్రముఖ రాజకీయ పార్టీ అయిన ఫైన్​ గేల్​కు నేతృత్వం వహిస్తున్నారు. 2017 జూన్​లో ప్రధానిగా ఎన్నికయ్యారు.