- " class="align-text-top noRightClick twitterSection" data="">
ఈ కాలంలో 40 ఏళ్లు వచ్చేసరికి శరీరం సహకరించడం లేదంటుంటారు చాలామంది. అటువంటిది 60 ఏళ్లు వచ్చినా పదహారేళ్ల పడుచుపిల్లలా ఎగురుతోంది ఈ బామ్మ. ఆమె పేరు టయోకా. ఏ దేశమో తెలియదు కానీ ఓ ఇంగ్లీష్ పాటకు లయబద్ధంగా స్టెప్పులేస్తూ నెటిజన్లందర్నీ మైమరిపిస్తోంది. యువత కూడా ఈర్ష్య పడేలా మెలికలు తిరుగుతోంది. ఈ వయస్సులో కూడా ఇంత బాగా ఎలా డ్యాన్స్ చేయగలుగుతున్నారని చాలా మంది నెటిజన్లు టయోకాను అడిగారట. తనకు డ్యాన్స్ అంటే చాలా ఇష్టమని తెలిపిన టయోకా పాట వినబడితే చాలు తనను తాను మర్చిపోతానంటోంది.
ఇప్పటి వరకు ఈ బామ్మ నృత్యాన్ని దాదాపు 40 లక్షల మంది వీక్షించగా 4 లక్షలకు పైగా షేర్స్, 2 లక్షలకు పైగా లైక్స్ వచ్చాయి. బహుశా ఈ మధ్యకాలంలో ఇంతగా వైరల్ అయిన వీడియో.. సామాజిక మాధ్యమాల్లో లేదేమో అనేంతగా నెటిజన్లను మెప్పిస్తోంది. కావాలంటే ఈ వీడియో చూడండి. మీ నోటి నుంచి కూడా నిజమే అన్న మాట రాకమానదు..!
ఇదీ చూడండి: 'దంగల్ చిత్రం.. చైనా అధ్యక్షుడ్నే మెప్పించింది'
