అమెరికా అధ్యక్షుడు డొనాల్డ్ ట్రంప్ బాక్సింగ్ ఛాంపియన్ అవతారమెత్తారు. కండలు తిరిగిన దేహంతో ఛాంపియన్ బెల్ట్ ధరించి.. బిగబట్టిన పిడికిలితో ఆయన.. ఓ బాక్సింగ్ పోటీదారుడికి తీసిపోని విధంగా ఉన్నారు. అయితే ఇది చిత్రాల్లో మాత్రమే. 80వ దశకంలో హాలీవుడ్ దిగ్గజ నటుడు సిల్వెస్టర్ స్టాలోన్ నటించిన 'రాకీ 3' చిత్రంలోని రాకీ బాల్బోవా పాత్రకు సంబంధించిన పోస్టర్కు తన తలను ఫొటోషాప్ ద్వారా అతికించిన చిత్రాన్ని ట్విట్టర్లో పోస్ట్ చేశారు అగ్రరాజ్య అధ్యక్షుడు.
- — Donald J. Trump (@realDonaldTrump) November 27, 2019 " class="align-text-top noRightClick twitterSection" data="
— Donald J. Trump (@realDonaldTrump) November 27, 2019
">— Donald J. Trump (@realDonaldTrump) November 27, 2019
ఇటీవలే ఓ ప్రభుత్వ ఆసుపత్రికి ఆకస్మికంగా వెళ్లారు ట్రంప్. అప్పటి నుంచి ఆయన ఆరోగ్యంపై ఊహాగానాలు జోరందుకున్నాయి. వాటికి చెక్ పెట్టడానికే కండల వీరుడు రాకీ చిత్రాన్ని మార్చి తన ట్విట్టర్లో పోస్ట్ చేశారు.
ఈ నేపథ్యంలో ట్రంప్ పోస్ట్కు ట్విట్టర్లో కామెంట్లు వెల్లువెత్తుతున్నాయి. కొందరు థాంక్స్ గివింగ్ నేపథ్యంలో పోరాటం చేస్తారని వ్యాఖ్యానించగా.. మరికొందరు డెమొక్రాటిక్ పార్టీ అభ్యర్థిత్వానికి పోటీ పడుతున్న నాన్సీ పెలోసీతో బాక్సింగ్ రింగ్లో పోటీ పడుతున్నట్లు పోస్ట్ చేశారు.
ట్రంప్ ఆరోగ్యంపై వస్తున్న వార్తలపై ఆయన వైద్యుడు సియాన్ పీ కాన్లీ ఇప్పటికే వివరణ ఇచ్చారు. ట్రంప్కు ఎలాంటి అనారోగ్యం లేదని స్పష్టం చేశారు.
ఇదీ చూడండి: గ్రీన్కార్డు కోసం 2లక్షలకుపైగా భారతీయుల నిరీక్షణ
