తెరాసకు సింగరేణి ఎస్సీ, ఎస్టీ ఉద్యోగులు సంపూర్ణ మద్దతు ప్రకటించారు. మున్సిపల్ ఎన్నికల్లో గులాబీ పార్టీ అభ్యర్థులను గెలిపించుకుంటామని స్పష్టం చేశారు. సొంత ఖర్చులతో విస్తృత ప్రచారం చేస్తామని తెలిపారు. ఈ మేరకు రాష్ట్ర ప్రణాళిక సంఘం ఉపాధ్యక్షుడు బోయినపల్లి వినోద్‌కుమార్తో ఆయన నివాసంలో ఉద్యోగులు భేటీ అయ్యారు.
మద్దతుపై లిఖిత పూర్వకంగా వినోద్‌కు లేఖను అందజేశారు. సింగరేణి ఉద్యోగులను వినోద్ కుమార్ అభినందించారు. నాలుగు ఉమ్మడి జిల్లాలోని 9 మున్సిపాలిటీల పరిధిలో దాదాపు లక్ష మంది ఓటర్లుగా సింగరేణి ఉద్యోగులు ఉన్నట్లు పేర్కొన్నారు.
వినోద్ కుమార్తో సమావేశమైన వారిలో ఆ సంఘం కేంద్ర కమిటీ గౌరవ అధ్యక్షుడు ఆరేపల్లి రాజేందర్, వర్కింగ్ ప్రెసిడెంట్ గోళ్ల రమేశ్, ప్రధాన కార్యదర్శి ఆంతోటి నాగేశ్వరరావు, ఉపాధ్యక్షుడు బాణోత్ కర్ణ, నాయకులు మల్లేష్, వెంకటేశ్వర్లు, రాజేశ్వరరావు, పద్మారావు, రమేశ్ కుమార్ తదితరులు ఉన్నారు.
ఇదీ చూడండి: భాజపా మున్సిపల్ ఎన్నికల మేనిఫెస్టో విడుదల
