దిశ కేసులో ఎన్కౌంటర్ చేసిన పోలీసులపై చర్యలు తీసుకోవాలంటూ నిందితుల కుటుంబ సభ్యులు సర్వోన్నత న్యాయస్థానంను ఆశ్రయించారు. ఎన్కౌంటర్లో పాల్గొన్న పోలీసులపై ఎఫ్ఐఆర్(FIR) నమోదు చేయాలని నిందితుల కుటుంబాలు పిటిషన్లో పేర్కొన్నాయి. నిందితులు జొల్లు నవీన్ తల్లి లక్ష్మీ, జొల్లు శివ తండ్రి రాజయ్య, చెన్నకేశవులు తండ్రి కుర్మన్న, అహ్మద్ తండ్రి పిన్జారి హూస్సేన్ పేర్లతో న్యాయవాది పీవీ కృష్ణమాచారి పిటిషన్ దాఖలు చేశారు.
ఒక్కో కుటుంబానికి రూ.50 లక్షలు ఇవ్వాలి
ఎన్కౌంటర్పై ఇప్పటికే సుప్రీంకోర్టు ఏర్పాటు చేసిన న్యాయ విచారణ కమిషన్ ఆధ్వర్యంలో సీబీఐ దర్యాప్తునకు ఆదేశించాలని.. సాక్ష్యాలు తారుమూరు చేయకుండా సీపీ సజ్జనార్ సహా తెలంగాణ ప్రభుత్వాన్ని నియంత్రించాలని పిటిషన్లో కోరారు. ఎన్కౌంటర్ నిందితులకు ఒక్కో కుటుంబానికి 50 లక్షల రూపాయల చొప్పున పరిహారం అందించేలా ఆదేశించాలని కోరారు.
ఇవీ చూడండి: తూటా ఏ తుపాకిది? ఎవరు కాల్చారు? ఎవరికి తాకింది?
