ఇచ్చిన మాట ప్రకారం ఆర్టీసీని ప్రభుత్వంలో విలీనం చేసి మాట నిలబెట్టుకున్నామని రవాణా శాఖ మంత్రి పేర్ని నాని స్పష్టం చేశారు. విలీనం పూర్తయిన సందర్భంగా విజయవాడలో ఉద్యోగులు నిర్వహించిన కృతజ్ఞత సభలో మరో మంత్రి వెల్లంపల్లి శ్రీనివాస్‌, ఇతర ఉన్నతాధికారులతో కలసి ఆయన పాల్గొన్నారు. ఆర్టీసీ అధికారులు, ఉద్యోగులతో పాటు... తెలంగాణ ముఖ్యమంత్రి కేసీఆర్ ఆర్టీసీ విలీనం సాధ్యం కాదన్నారని గుర్తు చేశారు. తాము మాత్రం చేసి చూపించామన్నారు. అందుకే అనుభవం ఉన్న ముఖ్యమంత్రి కంటే... సంకల్పం ఉన్న సీఎం అవసరమని కేసీఆర్ని ఉద్దేశించి వ్యాఖ్యానించారు.
మనసు కావాలి..
కనీవినీ ఎరుగని రీతిలో ఆర్టీసీని ప్రభుత్వంలో విలీనం చేశామని మంత్రి వెల్లంపల్లి అన్నారు. ధనిక రాష్ట్రమైన తెలంగాణలోనూ ఆర్టీసీని ప్రభుత్వంలో విలీనం చేయలేదని వివరించారు. దేశంలో ఎక్కడాలేని విధంగా ఆర్టీసీని ప్రభుత్వంలో విలీనం చేశామని పేర్కొన్నారు. విలీనం చేసేందుకు కావాల్సింది డబ్బు కాదు.. మనసు ఉండాలని స్పష్టం చేశారు. ఆర్టీసీని లాభాల్లోకి తెచ్చేందుకు కార్మికులు కృషి చేయాలని సూచించారు.
ఇవీ చూడండి: నన్ను వెన్నుపోటు పొడిచిందెవరో తెలుసు: ఈటల
