ప్రజలు తెరాసకే సానుకూలం.. గెలుపు కారుదే..: కేసీఆర్

తెలంగాణ భవన్​లో కేసీఆర్ అధ్యక్షతన ఎమ్మెల్యేలు, నియోజకవర్గాల ఇన్‌ఛార్జుల సమావేశం జరిగింది. ఈ సందర్భంగా ఎన్నికల ప్రచారంపై నేతలకు దిశానిర్దేశం చేశారు. అంతకు ముందు మున్సిపల్‌ ఎన్నికల బీ ఫారాల జారీకి విధి విధానాలపై వివరించారు.

హైదరాబాద్‌ తెలంగాణ భవన్‌లో జరిగిన ఎమ్మెల్యేల సమావేశంలో... సీఎం కేసీఆర్​ ఏ, బీ ఫారాలు పంపిణీ చేశారు. రాష్ట్రమంతా తెరాసకే సానుకూలంగా ఉందని.. గెలిచిన తర్వాత అన్ని మున్సిపాలిటీలు, కార్పొరేషన్లను అభివృద్ధి చేసుకుందామని సూచించారు. అన్ని చోట్లా ఆశావాహుల నుంచి తీవ్ర పోటీ ఉందన్న కేసీఆర్​.. టికెట్లు రానివారు నిరాశపడకుండా చూడాల్సిన బాధ్యత ఎమ్మెల్యేలదేనని స్పష్టం చేశారు.

టికెట్లు రానివారికి భవిష్యత్‌లో నామినేటెడ్‌ పదవులు, ఇతర అవకాశాలు ఇస్తామని హామీ ఇచ్చారు. పల్లెప్రగతి కార్యక్రమం విజయవంతంగా సాగుతోందని.. ఎమ్మెల్యేలను అభినందించారు.