కాకినాడలో దారుణం.... రెండు రూపాయల కోసం హత్య

రెండు రూపాయలు ఓ నిండు ప్రాణాన్ని బలిగొన్నాయి. సైకిలుకు గాలి కొట్టించి డబ్బులు అడిగినందుకు చెలరేగిన గొడవ హత్యకు దారి తీసిన ఘటన కాకినాడ వలసపాకలో జరిగింది.

ఏపీలోని తూర్పుగోదావరి జిల్లా కాకినాడ గ్రామీణ మండలం వలసపాకలలో దారుణం జరిగింది. 2రూపాయల కోసం ఇద్దరు వ్యక్తుల మధ్య ఘర్షణ చెలరేగింది. ఈ వివాదం చివరకు ఓ వ్యక్తి హత్యకు కారణమైంది. సువర్ణరాజు అనే వ్యక్తి సైకిల్​లో గాలి నింపించుకునేందుకు సాంబ షాపుకు వచ్చాడు.

గాలి నింపిన తర్వాత సువర్ణ రాజును.. సాంబ 2రూపాయలు అడిగాడు. ఆగ్రహించిన సువర్ణరాజు సైకిల్ షాపు యజమాని సాంబను కొట్టాడు. ఆ సమయంలో అక్కడే ఉన్న సాంబ స్నేహితుడు అప్పారావు... సువర్ణరాజుని రాడ్డుతో కొట్టాడు. బాధితుడిని వెంటనే కాకినాడ ప్రభుత్వాసుపత్రికి తరలించారు. చికిత్స పొందుతూ సువర్ణరాజు మృతి చెందినట్లు వైద్యులు వెల్లడించారు.

ఇవీ చూడండి-అన్నం బాలేదన్నందుకు తోటి విద్యార్థులే కొట్టారు