టాటా మోటార్స్ ప్రీమియం హ్యాచ్బ్యాక్ విభాగంలోకి ప్రవేశించింది. ఆల్ట్రోజ్ను రూ.5.29 లక్షల (ఎక్స్-షోరూమ్ ఇండియా) ప్రారంభ ధరతో విడుదల చేసింది. లీడింగ్ డిజైన్, సేఫ్టీ, టెక్నాలజీ, డ్రైవింగ్ డైనమిక్స్ దీని ప్రత్యేకత అని కంపెనీ పేర్కొంది.
గతేడాది డిసెంబర్లో ఆవిష్కరించిన ఆల్ట్రోజ్.. పరిశ్రమలోనే మొట్టమొదటి బీఎస్-6 డీజిల్-రెడీకారుగా నిలిచింది. టాటా మోటార్స్ బ్రాండ్కు చెందిన (ఆల్ఫా ప్లాట్ఫాం) మొదటి మోడల్ కూడా ఇదే. అలాగే ఇంపాక్ట్ 2.0 డిజైన్ కలిగిన రెండో వాహనం కూడా ఇదే కావడం విశేషం.
"మార్కెట్ కష్టాల్లో ఉన్న సమయంలో మా ఉత్పత్తిని తీసుకొస్తామని చెప్పాం. భవిష్యత్ అవసరాలకు అనుగుణంగా కొత్త తరం బీఎస్-6 వాహనాలను మార్కెట్లోకి తీసుకొచ్చాం. మా మార్కెట్ కవరేజీని మరింత విస్తరిస్తాం. "
- గుంటెర్ బుట్షెక్, టాటా మోటార్స్ సీఈఓ, మేనేజింగ్ డైరెక్టర్
ఇక్కడ లభిస్తుంది..
ఆల్ట్రోజ్ అన్ని టాటా మోటార్స్ అధీకృత డీలర్షిప్లలో 5 ట్రిమ్ స్థాయిల్లో లభిస్తుందని కంపెనీ తెలిపింది. ఆల్ట్రోజ్లో రిథమ్, స్టైల్, లగ్జరీ, అర్బన్ అనే నాలుగు ప్యాక్లు ఉంటాయి. వీటిలో ఒకటి ఎంపిక చేసుకుని ఆరు వేర్వేరు ఫ్యాక్టరీ-ఫిట్టెడ్ కస్టమైజబుల్ ఆప్షన్స్ తీసుకోవచ్చు.
మొదటి 'ఓఈఎమ్'గా టాటా మోటార్స్
ఆల్ట్రోజ్, నెక్సాన్లను ప్రవేశపెట్టిన టాటా మోటార్స్ బీఎస్-6 రెడీ డీజిల్ వేరియంట్లకు కావాల్సిన అసలైన పరికరాల (మొదటి) తయారీదారుగా (ఓఈఎం)గా నిలిచింది.
మరో మూడు మోడల్స్ కూడా
టాటా మోటార్స్... ఆల్ట్రోజ్తో పాటు నెక్సాన్, టియాగో, టైగోర్ బీఎస్-6 వెర్షన్లను విడుదల చేసింది.
కొత్త నెక్సాన్... 1.2ఎల్ రివొట్రాన్ టర్బోఛార్జ్డ్ పెట్రోల్ బీఎస్-6 ఇంజిన్తో లభిస్తుంది. దీని ప్రారంభ ధర రూ.6.95 లక్షలు. నెక్సాన్ 2020... 6-స్పీడ్ మాన్యువల్, ఏఎమ్టీ ఆప్షన్లతో లభిస్తుంది.
టియాగో 2020 మొదటి తరం టియాగోకు వారసుడిగా వచ్చింది. ఇది కూడా మాన్యువల్, ఏఎమ్టీ ఎంపికల్లో లభిస్తుంది. ఇది 1.2ఎల్ రెవోట్రాన్ పెట్రోల్ బీఎస్-6 ఇంజిన్తో వస్తుంది. దీని ధర రూ.4.60 లక్షల నుంచి ప్రారంభమవుతుంది.
టైగోర్ 2020 ప్రారంభ ధర రూ.5.75 లక్షలకు లభిస్తుంది. 1.2ఎల్ రెవోట్రాన్ పెట్రోల్ బిఎస్-6 ఇంజిన్తో లభిస్తుందని టాటా మోటార్స్ తెలిపింది.
ఇదీ చూడండి: పద్దు 2020: వేతన జీవులకు ఊరట లభించేనా?
