బ్యాంకుల స్థూల నిరర్ధక ఆస్తులు (ఎన్పీఏలు) పెరగడం, చిల్లర ధరల ఆధారిత ద్రవ్యోల్బణం ఐదున్నరేళ్ల గరిష్ఠానికి చేరుకోవడం మార్కెట్ సెంటిమెంట్ను దెబ్బతీసింది. రిలయన్స్ ఇండస్ట్రీస్, టీసీఎస్, హెచ్సీఎల్ టెక్ తమ త్రైమాసిక ఫలితాలు విడుదల చేయనున్న నేపథ్యంలో మదుపరులు ఆచితూచి వ్యవహరిస్తున్నారు. ఫలితంగా నేడు దేశీయ స్టాక్మార్కెట్లు స్వల్ప నష్టాలతో ట్రేడవుతున్నాయి.
బొంబాయి స్టాక్ ఎక్స్ఛేంజి సూచీ సెన్సెక్స్ 13 పాయింట్లు కోల్పోయి 41 వేల 945 వద్ద కొనసాగుతోంది. జాతీయ స్టాక్ ఎక్స్ఛేంజి సూచీ నిఫ్టీ 2 పాయింట్లు నష్టపోయి 12 వేల 352 వద్ద ట్రేడవుతోంది.
లాభనష్టాల్లో
భారతీ ఎయిర్టెల్, రిలయన్స్, డా.రెడ్డీ ల్యాబ్స్, టాటా స్టీల్, విప్రో, టీసీఎస్, నెస్లే రాణిస్తున్నాయి
భారతీ ఇన్ఫ్రాటెల్, ఎస్ బ్యాంకు, ఇండస్ఇండ్ బ్యాంకు, ఎస్బీఐ, గెయిల్, హెచ్డీఎఫ్సీ బ్యాంకు, హెచ్డీఎఫ్సీ, పవర్ గ్రిడ్ కార్ప్ నష్టాల్లో కొనసాగుతున్నాయి.
ఆసియా మార్కెట్లు
అమెరికా-చైనా మధ్య మొదటి దఫా వాణిజ్య ఒప్పందం విజయవంతం అయిన నేపథ్యంలో వాల్ స్ట్రీట్ భారీ లాభాలను మూటగట్టుకుంది. ప్రస్తుతం ఆసిమా మార్కెట్లలో నిక్కీ, కోస్పీ, షాంగై కాంపోజిట్ లాభాల్లో ట్రేడవుతుండగా, హాంగ్ సెంగ్ నష్టాల్లో కొట్టుమిట్టాడుతోంది.
రూపాయి విలువ
రూపాయి విలువ 5 పైసలు, ఒక డాలరుకు రూ.70.98గా ఉంది.
ముడిచమురు ధర
ప్రపంచ మార్కెట్లో ముడిచమురు ధర 0.05 శాతం తగ్గింది. ప్రస్తుతం బ్యారెల్ ధర 64.59 డాలర్లుగా ఉంది.
ఇదీ చూడండి: చిన్న మొత్తాల పొదుపుపై మరింతగా పన్ను రాయితీలు!
