2019లో చైనా జీడీపీ 6.1 శాతం వృద్ధిచెందింది. గడచిన మూడు దశాబ్దాల్లోనే ఇది అత్యంత కనిష్ఠం కావడం.. మందగిస్తున్న చైనా ఆర్థికవ్యవస్థకు తార్కాణం. బలహీనమైన దేశీయ డిమాండ్కు తోడు అమెరికాతో వాణిజ్య ఉద్రిక్తతలు కొనసాగడమే ఇందుకు కారణమని అధికారిక గణాంకాలు స్పష్టం చేశాయి.
ప్రాభవం తగ్గుతోంది!
చైనా జాతీయ గణాంకాల సంస్థ (ఎన్బీఎస్) ప్రకారం... ప్రపంచంలోని రెండో అతిపెద్ద ఆర్థిక వ్యవస్థ అయిన చైనా 2019లో 6.1 శాతం జీడీపీ వృద్ధిరేటు నమోదు చేసింది. నిజానికి బీజింగ్ అధికారిక లక్ష్యం 6.0 నుంచి 6.5 శాతం మాత్రమే. అయితే 2018లో 6.6 శాతంగా ఉన్న చైనా జీడీపీ వృద్ధిరేటు 2019లో 6.1 శాతానికి పడిపోవడం గమనార్హం.
ఎన్బీఎస్ ప్రకారం.. గత మూడు త్రైమాసికాల్లో చైనా ఆర్థిక వృద్ధి క్రమంగా తగ్గుతోంది. 2019 చివరి మూడు నెలల్లో డ్రాగన్ వృద్ధి 6 శాతానికి చేరుకుంది. మూడో త్రైమాసికంలోనూ ఇదే కొనసాగనుంది.
స్థిరమైన వృద్ధి సాధించాం!
చైనా ఆర్థికవ్యవస్థ 2019లో స్థిరమైన వృద్ధి సాధించిందని ఎన్బీఎస్ కమిషనర్ నింగ్ జిజే తెలిపారు. అయితే చైనా ఆర్థిక వ్యవస్థపై ఒత్తిడి ఉందని ఆయన స్పష్టం చేశారు. ఇదే సమయంలో ప్రపంచ ఆర్థిక, వాణిజ్య వృద్ధి మందగించిందన్న విషయాన్ని దృష్టిలో ఉంచుకోవాలని పేర్కొన్నారు.
ఇదీ చూడండి: '2020లో భారత వృద్ధిరేటు పెరిగే అవకాశం'
