జాతీయ పౌర జాబితాపై 'యూఎస్​సీఐఆర్​ఎఫ్' ఆందోళన!

భారత్​లో అక్రమంగా నివసిస్తున్న వారిని వెనక్కి పంపే ఉద్దేశంతో ఏర్పాటు చేసిన ఎన్​ఆర్​సీపై ఆందోళన వ్యక్తం చేసింది అమెరికాకు చెందిన ఓ అంతర్జాతీయ సంస్థ. అసోంలో ఎప్పటినుంచో జీవిస్తున్న 19 లక్షలమంది స్వస్థలం కోల్పోతుండటం సరికాదని వ్యాఖ్యానించింది.

జాతీయ పౌర జాబితా(ఎన్​ఆర్​సీ)పై.. అమెరికాకు చెందిన యూఎస్​సీఐఆర్​ఎఫ్ ఆందోళన వ్యక్తం చేసింది. ఎన్​ఆర్​సీ వల్ల అసోంలో ఎప్పటి నుంచో జీవిస్తున్న 19 లక్షలమంది స్వస్థలం కోల్పోతుండటం సరికాదని వ్యాఖ్యానించింది. ఎన్​ఆర్​సీ ప్రక్రియ పారదర్శకంగా జరగలేదని తెలిపింది.

జాతీయ పౌర జాబితాలో మత స్వేచ్ఛకు ఉన్న చిక్కులపై ప్రస్తావించిందీ సంస్థ. 19 లక్షల మంది పేర్లు ఈ జాబితాలో చోటు దక్కించుకోలేకపోయాయని.. ముస్లిం జనాభాను తప్పించేందుకు ఈ ప్రక్రియ ఉపకరించడంపై ఆందోళన వ్యక్తం చేసింది.

"19 లక్షల మంది అసోం వాసులు త్వరలో స్వస్థలాన్ని కోల్పోతారు. ఎన్​ఆర్​సీ.. న్యాయబద్ధంగా, పారదర్శకంగా, సరైన ప్రక్రియలో జరగనందున వారు తమ పౌరసత్వాన్ని కోల్పోయారు. మరింత ఆందోళన కలిగించే విషయం ఏమిటంటే.. అసోంలోని ముస్లింలను బయటకు పంపించే ఉద్దేశంగానే భారత రాజకీయ నేతల వ్యాఖ్యలు ఉండటం ఆందోళన కలిగించే అంశం. ముస్లింలే లక్ష్యంగా ఈ జాబితాను దేశవ్యాప్తంగా అమలు చేసేందుకు మొగ్గు చూపుతున్నారు."

-అనురిమా భార్గవ, యూఎస్​సీఐఆర్​ఎఫ్ కమిషనర్

ఎన్​ఆర్​సీ ప్రక్రియ భారత పౌరసత్వానికి పరీక్షగా తయారయిందని.. యూఎస్​సీఐఆర్​ఎఫ్​ ఛైర్మన్ టోనీ పెర్కిన్స్ వెల్లడించారు.

రెండో జాబితాలో భారత్..

యూఎస్​సీఐఆర్​ఎఫ్​ నివేదిక-2019 మత స్వేచ్ఛపై సహనం-హింస విభాగంలో భారత్​ను టైర్​-2 జాబితాలో చేర్చింది ఈ అమెరికా సంస్థ.

ఇదీ చూడండి: రాజకీయ 'మైత్రి'కి రజనీ-కమల్​ సిద్ధం!