అత్యాచార నిందితులు నిప్పంటించడం వల్ల ప్రాణాలు కోల్పోయిన ఉత్తర్ప్రదేశ్ ఉన్నావ్ బాధితురాలి అంత్యక్రియలు కుటుంబ సభ్యులు, గ్రామస్ధుల కన్నీటి వీడ్కోలు మధ్య ముగిసాయి.
ఉన్నావ్‌లోని ఆమె స్వస్థలంలో అంత్యక్రియలు నిర్వహించారు. స్థానికులు భారీ సంఖ్యలో అంత్యక్రియలకు హాజరయ్యారు. ఎలాంటి అవాంఛనీయ సంఘటనలు జరగకుండా పోలీసులు పటిష్ఠ భద్రత ఏర్పాటు చేశారు. ముఖ్యమంత్రి ఆదిత్యనాథ్ వచ్చే వరకు అంత్యక్రియలు నిర్వహించబోమని మొదట ఆమె కుటుంబ సభ్యులు పట్టుపట్టారు. అయితే ప్రధాని ఆవాస్‌ యోజన కింద ఇళ్లు మంజూరు చేయడం సహా కుటుంబానికి రక్షణ కల్పిస్తామని అధికారులు హామీ ఇవ్వడం వల్ల వారు శాంతించారు.
దాడికి పాల్పడిన నిందితులకు మరణశిక్ష విధించాలని బాధితురాలి కుటుంబం మరోసారి డిమాండ్‌ చేసింది. తమ కుటుంబంలో ఒకరికి ప్రభుత్వ ఉద్యోగం ఇవ్వాలని, దాడికి పాల్పడిన వారికి ఉరి శిక్ష విధించాలని ఆమె సోదరి కోరారు.
ఇదీ చూడండి : 'సీఎం యోగీ వస్తేనే.. అంత్యక్రియలు నిర్వహిస్తాం'
