పుస్తక విరాళానికి సంబంధించి ఎమ్మెల్యే వినూత్న ఆలోచనకు విశేష స్పందన లభించింది. శుభాకాంక్షలు తెలిపేందుకు పుష్పగుచ్ఛానికి బదులుగా ఒక పుస్తకాన్ని బహుమతి ఇవ్వాలన్న ఆయన విజ్ఞప్తి చాలా మందిని ఆకర్షించింది. సామాజిక మాధ్యమాల్లోనూ వైరల్గా మారారు.
కేరళలోని వట్టివుర్కావు ఎమ్మెల్యే వీకే ప్రశాంత్. స్థానికులు 'మేయర్ బ్రో' అని పిలుచుకుంటారు. ఇటీవల జరిగిన ఉప ఎన్నికల్లో ఆయన ఘన విజయం సాధించారు. అయితే శుభాకాంక్షలు తెలిపేందుకు వచ్చే వారు పుష్పగుచ్ఛం బదులుగా ఏదైనా పుస్తకాన్ని ఇవ్వాలని ఆయన కోరారు.
3 రోజుల పర్యటన
ఈ ప్రకటనకు విశేష స్పందన లభించింది. చాలా మంది పుస్తకాలను బహుమతిగా ఇచ్చారు. గెలుపు అనంతరం 3 రోజులపాటు నియోజకవర్గంలో పర్యటించారు ప్రశాంత్. ఈ సమయంలో దాదాపు 3,300 పుస్తకాలను సేకరించారు.
విరాళంగా...
ఈ పుస్తకాలను ప్రస్తుతం శాస్తమంగళంలోని ఎమ్మెల్యే అధికారిక కార్యాలయంలో పెట్టారు. వీటిని పాఠశాల గ్రంథాలయాలకు విరాళంగా ఇవ్వాలని ఆయన నిర్ణయించారు.
ఇదీ చూడండి: కేంద్రప్రభుత్వంలో 7 లక్షల ఉద్యోగాలు ఇచ్చేందుకు అవకాశం
