మిస్ టీన్ ఇండియా-2020గా సినీ నటి మన్నత్ కౌర్ నిలిచింది. ఉత్తర్ప్రదేశ్లోని నోయిడాలో మిస్ టీన్ ఇండియా ఫాషన్ షో అట్టహాసంగా నిర్వహించారు. 10 రాష్ట్రాల నుంచి 13 మంది ముద్దుగుమ్మలు ఈ అందాల పోటీలో పాల్గొన్నారు. ఈ పోటీలో అందరిని వెనక్కి నెట్టి మన్నత్ కౌర్ విజేతగా నిలిచారు. 2019 మిస్ టీన్ ఇండియా విజేత.. అపూర్వ ఠాకూర్ అందాల కిరీటాన్ని మన్నత్ కౌర్కు బహూకరించారు.
మిస్ టీన్ ఇండియా పోటీలు ప్రతి ఏటా నిర్వహిస్తున్నారు. దేశంలోనే అత్యంత ప్రజాదరణ పొందిన ఫ్యాషన్ షోగా గుర్తింపు పొందినట్లు కార్యక్రమ నిర్వాహకురాలు, డైరెక్టర్ జస్మిత్ కౌర్ పేర్కొన్నారు.
" అమ్మాయిలు కన్న కలలు నెరవేర్చుకోవడానికి ఒక వేదికను తయారు చేసినందుకు చాలా సంతోషంగా ఉంది. దేశం నలుమూలల నుంచి వచ్చిన అమ్మాయిలకు శిక్షణ ఇచ్చి, వారిని విజయవంతమైన మహిళలుగా తీర్చిదిద్దడమే మా లక్ష్యం."
- జస్మిత్ కౌర్, కార్యక్రమ నిర్వాహకురాలు.
ఇదీ చూడండి: పౌరచట్టంపై విపక్షాలవి అబద్ధాలు: అమిత్షా
