మహారాష్ట్ర పుణెలోని ఓ రసాయన పరిశ్రమలో అర్ధరాత్రి భారీ అగ్ని ప్రమాదం జరిగింది. పరిశ్రమ మూసి ఉన్న సమయంలో ప్రమాదం జరగటం వల్ల ప్రాణ నష్టమేమీ లేదని అధికారులు తెలిపారు.
సమాచారం అందుకున్న అగ్నిమాపక విభాగం సంఘటనాస్థలానికి చేరుకుని మంటలను అదుపు చేశారు.
పుణె-సోలాపూర్ రోడ్డులోని కుర్కుంబ్ ప్రాంతంలో ఉన్న పరిశ్రమలో అర్ధరాత్రి 1.30గంటల ప్రాంతంలో ప్రమాదం జరిగినట్లు అగ్నిమాపక అధికారులు తెలిపారు. అగ్ని జ్వాలల ధాటికి రసాయనాలతో ఉన్న డ్రమ్ములు పేలాయని తెలిపారు. డ్రమ్ములు పేలటం వల్ల భారీగా జ్వాలలు ఎగిసిపడ్డాయని, మంటలు అదుపు చేసేందుకు కొన్ని గంటల పాటు శ్రమించాల్సి వచ్చినట్లు సిబ్బంది తెలిపారు. ప్రస్తుతం కూలింగ్ ప్రక్రియ కొనసాగుతోందన్నారు.
ఇదీ చూడండి: పాక్ కాల్పుల్లో ఓ భారత జవాను మృతి
