భారత్కు చెందిన విమాన వాహన నౌక ఐఎన్ఎస్ విక్రమాదిత్యను అరేబియా సముద్రంలో మోహరించారు. సోమవారం నుంచి అరేబియా సముద్రంలో చైనా- పాకిస్థాన్లు సంయుక్తంగా తొమ్మిది రోజుల పాటు భారీ నావికాదళ విన్యాసాలు చేపట్టనున్నాయి. ఈ నేపథ్యంలో ముందస్తు భద్రతలో భాగంగా భారత్ తన విమాన వాహక నౌక ఐఎన్ఎస్ విక్రమాదిత్యను తీర ప్రాంతంలో మోహరించింది.
మిగ్‌ 29కె యుద్ధ విమానంతో కూడిన ఐఎన్ఎస్ విక్రమాదిత్యను వ్యూహాత్మక మిషన్‌లో భాగంగా పంపినట్లు సైనిక వర్గాలు వెల్లడించాయి. ఈ వాహక నౌకను మోహరించే సమయంలో నావికాదళ ప్రధాన కార్యాలయ ఉన్నతాధికారులు అందులో ఉన్నారని సంబంధిత వర్గాలు తెలిపాయి.
ఇదీ చూడండి: గెజిట్ నోటిఫికేషన్తో అమల్లోకి వచ్చిన సీఏఏ
