జేఎన్​యూ ఫీజుల పెంపుపై విద్యార్థుల పోరు తీవ్రం

దిల్లీలో జేఎన్​యూ విద్యార్థులు ఫీజుల పెంపుపై నిరసనలు కొనసాగించారు. ఆందోళనల కారణంగా విశ్వవిద్యాలయం కార్యనిర్వాహక మండలి​ సమావేశ వేదికను మార్చవలసి వచ్చింది.

ఫీజుల పెంపును వ్యతిరేకిస్తూ దిల్లీ జవహర్​లాల్ నెహ్రూ​ విశ్వవిద్యాలయం విద్యార్థులు నిరసనలు తీవ్రతరం చేశారు. ఉపకులపతి కార్యాలయం, ఇతర ప్రధాన కార్యాలయాలు ఉండే ప్రదేశంలో ఆందోళనలు చేపట్టారు. జేఎన్​యూ వీసీ, అధికారులకు వ్యతిరేకంగా నినాదాలు చేశారు.

విద్యార్థుల ఆందోళనల దృష్ట్యా కార్యనిర్వాహక మండలి సమావేశం వేదికను మార్చింది జేఎన్​యూ అధికార యంత్రాంగం. విశ్వవిద్యాలయం ప్రాంగణం లోపల జరగాల్సిన భేటీని దిల్లీలో వేరే ప్రాంతంలో నిర్వహిస్తోంది.

జేఎన్​యూకు సంబంధించిన కీలక నిర్ణయాలన్నీ కార్యనిర్వాహక మండలి తీసుకుంటుంది.

ఇవీ డిమాండ్లు...

ఫీజుల పెంపునకు సంబంధించి ఇటీవలే ముసాయిదా నిబంధనావళి రూపొందించింది జేఎన్​యూ. హాస్టల్ గది అద్దెను 30 రెట్లు పెంచడం సహా కొత్తగా సేవా రుసుము వసూలు, సెక్యూరిటీ డిపాజిట్ పెంపు వంటి ప్రతిపాదనలు చేసింది. వీటిని తక్షణమే ఉపసంహరించుకోవాలన్న డిమాండ్​తో విద్యార్థులు ఆందోళన చేస్తున్నారు.

ఇదీ చూడండి : బ్రిక్స్ సదస్సు కోసం బ్రెజిల్ చేరుకున్న మోదీ