కాలుష్య ప్రభావంతో హస్తినలో ఆరోగ్య అత్యవసర స్థితి

దిల్లీలో వాయుకాలుష్యం అత్యంత ప్రమాదకర స్థాయికి చేరిన నేపథ్యంలో హస్తినను ఆరోగ్య అత్యవసర స్థితి కలిగిన ప్రాంతంగా ప్రకటించింది పర్యావరణ కాలుష్య నివారణ అథారిటీ (ఈపీసీఏ). పలు ఆంక్షలు విధిస్తూ ఆదేశాలు జారీ చేసింది.

దేశ రాజధానిలో వాతావరణ కాలుష్యం అత్యంత ప్రమాదకర స్థాయికి చేరుకుంది. ఈ నేపథ్యంలో పలు చర్యలు చేపట్టింది సుప్రీం కోర్టు ఆదేశాలతో ఏర్పాటైన ​- కాలుష్య నివారణ అథారిటీ (ఈపీసీఏ) ప్యానెల్​. దిల్లీని ఆరోగ్య అత్యవసర పరిస్థితి కలిగిన ప్రాంతంగా ప్రకటించింది.

నేటి నుంచి 5వ తేదీ వరకు రాజధానిలో ఎటువంటి భవన నిర్మాణ కార్యకలాపాలు చేపట్టరాదని ఆదేశింది ఈపీసీఏ. దిల్లీ ఎన్​సీఆర్​ ప్రాంతంలో కాలుష్యం తీవ్రత అధికంగా ఉందని, వెంటనే చర్యలు చేపట్టాల్సిన అవసరం ఉందని తెలిపింది. ఈ ప్రాతంలో మతాబులు, పటాసులు పూర్తిగా నిషేధిస్తున్నట్లు ప్రకటించింది.

ముఖ్యమంత్రులకు లేఖలు..

దిల్లీలో కాలుష్యం పెరిగిపోతున్న నేపథ్యంలో ఉత్తర్​ప్రదేశ్​, హరియాణా, దిల్లీ ముఖ్యమంత్రులకు లేఖలు రాశారు ఈపీసీఏ ఛైర్మన్​ భూరేలాల్​. కాలుష్య నియంత్రణ చర్యలు వేగవంతం చేయాలని కోరారు. ప్రస్తుత పరిస్థితిని ఆరోగ్య అత్యవసరంగా గుర్తించి చర్యలు చేపట్టాలని, ముఖ్యంగా చిన్న పిల్లల విషయంలో మరింత జాగ్రత్తలు తీసుకోవాల్సిన అవసరం ఉందన్నారు.

ఇదీ చూడండి: దిల్లీలో అత్యంత ప్రమాదకర స్థాయికి వాయుకాలుష్యం