విమానాశ్రయంలో తిరిగేందుకు త్వరలో 'ఎయిర్​ట్రైన్'

దిల్లీ విమానాశ్రయంలో 2022 నాటికి పెరగనున్న రద్దీని దృష్టిలో పెట్టుకుని ఎయిర్​ట్రైన్​ సౌకర్యాన్ని అందుబాటులోకి తేనున్నారు అధికారులు. టెర్మినళ్ల మధ్య ప్రయాణానికి వీలుగా ఈ సదుపాయం కల్పించాలని భావిస్తున్నారు.

దిల్లీ విమానాశ్రయంలో ఎయిర్​ట్రైన్​ సౌకర్యాన్ని తీసుకొచ్చేందుకు అధికారులు ప్రయత్నాలు చేస్తున్నారు. ఒక టెర్మినల్​ నుంచి ఇంకో టెర్మినల్​కు ప్రయాణికులు సులువుగా చేరుకునేందుకు వీలుగా ఈ సదుపాయాన్ని అందుబాటులోకి తీసుకురానున్నట్లు అధికార వర్గాలు తెలిపాయి.

"2022 నాటికి విమానాశ్రయంలో జరుగుతున్న విస్తరణ పనులు పూర్తవుతాయి. అప్పటికి దిల్లీ విమానాశ్రయంలో రద్దీ ఏటా 10 కోట్లకు చేరనుంది. అందువల్ల 2022 నుంచి ఎయిర్​ట్రైన్​ను అందుబాటులోకి తీసుకురావాలని భావిస్తున్నాం."

-విమానాశ్రయ అధికార వర్గాలు

ప్రస్తుతం టెర్మినళ్ల మధ్య ప్రయాణానికి బస్సు సర్వీసులను వినియోగిస్తున్నారు.

ఇదీ చూడండి: భారత దేశ ప్రజలమైన మేము...