ఛత్తీస్​గఢ్​లో రెచ్చిపోయిన నక్సల్స్​- పలు వాహనాలు దగ్ధం

ఛత్తీస్​గఢ్​​ దంతెవాడ జిల్లాలో నక్సల్స్​ పేట్రేగిపోయారు. మైనింగ్​ జరుగుతోన్న ప్రాంతంలో వాహనాలకు నిప్పంటించారు. ఈ ఘటనలో ఆరు డంపర్​ ట్రక్కులు, మూడు జేసీబీలు దగ్ధమయ్యాయి.

ఛత్తీస్​గఢ్​లోని దంతెవాడ జిల్లాలో నక్సల్స్​ చెలరేగిపోయారు. రాష్ట్రంలో జాతీయ ఖనిజ అభివృద్ధి సంస్థ (ఎన్​ఎమ్​డీసీ)లో చొరబడి 6 డంపర్​ ట్రక్కులు, 3 జేసీబీలకు నిప్పుపెట్టారు.

సమాచారం అందుకున్న వెంటనే పోలీసులు, సెంట్రల్​ ఇండస్ట్రియల్​ సెక్యురిటీ ఫోర్స్​ (సీఐఎస్ఎఫ్​) ఘటనా స్థలానికి చేరుకున్నారు. ఈ లోపే నక్సల్స్​ అడవిలోకి పారిపోయారు. గతంలో చాలా సార్లు ఎన్​ఎమ్​డీసీలో జరుగుతోన్న మైనింగ్​ కార్యకలాపాలను అడ్డుకుంటూ నక్సల్స్​ దాడులు జరిపినట్లు అధికారులు తెలిపారు.

ఇదీ చూడండి : ఖరీదైన 'వైద్యం'.. కనుమరుగవుతున్న 'ఆరోగ్యం