ఉత్తర్ప్రదేశ్ మాజీ ముఖ్యమంత్రి, బహుజన్ సమాజ్ పార్టీ(బీఎస్పీ) అధినేత్రి మాయవతి 'దిశ' నిందితుల ఎన్కౌంటర్పై స్పందించారు. హైదరాబాద్ పోలీసులు మంచి పని చేశారని, వారి నుంచి యూపీ పోలీసులు ఎంతో నేర్చుకోవాలని వ్యాఖ్యానించారు.
"హైదరాబాద్ పోలీసుల చర్య స్వాగతించదగినది. నిర్భయ కేసులో పోలీసులు ధైర్యం చేసి ఉంటే ఆమె తల్లిదండ్రులకు ఎప్పుడో న్యాయం జరిగి ఉండేదనుకుంటా. ఉత్తర్ప్రదేశ్లో రోజూ ప్రతి జిల్లాలో ఇలాంటి ఘటనలు జరుగుతాయి. ప్రభుత్వం మాత్రం పట్టించుకోకుండా నిద్రపోతోంది. అందుకు నేను చింతిస్తున్నాను. ఇక్కడి(యూపీ) పోలీసులు హైదరాబాద్ పోలీసుల నుంచి ప్రేరణ పొందాలి. న్యాయం వైపు అడుగులు వేయాలి. కానీ, బాధ పడాల్సిన విషయం ఒకటి ఉంది. దిల్లీ కావచ్చు, యూపీ కావచ్చు... ఆరోపణలు ఎదుర్కొనే వారిని భాజపా ప్రభుత్వం బంధువులుగా చూస్తోంది. ఇది చాలా సిగ్గు పడాల్సిన విషయం. "
- మాయవతి, యూపీ మాజీ ముఖ్యమంత్రి
ఇదీ చదవండి:లైవ్ వీడియో: ప్రాణాలకు తెగించి కాపాడిన ఆర్పీఎఫ్ కానిస్టేబుల్
