అయోధ్య రామమందిర నిర్మాణానికి సంబంధించి ట్రస్ట్ ఏర్పాటుకు కేంద్ర కేబినెట్ ఆమోదం తెలిపింది. అనంతరం నేరుగా లోక్సభకు వచ్చిన ప్రధాని నరేంద్రమోదీ.. ప్రశ్నోత్తరాల సమయానికి ముందు రామమందిరానికి సంబంధించి ప్రకటన చేశారు.
ప్రధాని నరేంద్రమోదీ
"కోర్టు తీర్పును అనుసరించి అయోధ్యలో రామమందిరం నిర్మాణంతో పాటు.. మిగిలిన అంశాలకు సంబంధించి ఒక పథకాన్ని మా ప్రభుత్వం రూపొందించింది. న్యాయస్థానం ఆదేశాల మేరకు రామజన్మభూమి తీర్థ క్షేత్ర పేరుతో ట్రస్ట్ను ఏర్పాటు చేశాం. ఈ ట్రస్ట్.. ఆయోధ్యలో రామమందిర నిర్మాణం, ఇతర విషయాలపై పూర్తి స్వతంత్రంగా వ్యవహరిస్తుంది. "
- నరేంద్రమోదీ, ప్రధానమంత్రి
ఐదెకరాల ప్రత్యామ్నాయ భూమి సేకరణపై స్పష్టతనిచ్చారు మోదీ. సుప్రీం కోర్టు ఆదేశాల ప్రకారం సున్నీ వక్ఫ్ బోర్డుకు ఐదెకరాల భూమిని ఇచ్చేందుకు ఉత్తర్ప్రదేశ్ ప్రభుత్వం అంగీకరించిందని తెలిపారు.
