లెక్చరర్​పై పెట్రోల్​ పోసి నిప్పంటించిన మాజీ ప్రియుడు

మహారాష్ట్ర వార్దాలో దారుణానికి ఒడిగట్టాడు ఓ కిరాతకుడు. కళాశాల లెక్చరర్​గా పనిచేస్తున్న మాజీ ప్రేయసిపై పెట్రోల్​ పోసి నిప్పంటించాడు. నడిరోడ్డుపై మంటల్లో కాలిపోతున్న యువతిని  స్థానికులు ఆసుపత్రిలో చేర్చారు. అయితే, ప్రస్తుతం ఆమె పరిస్థితి విషమంగా ఉందని తెలిపారు వైద్యులు.

మహారాష్ట్ర వార్దాలోని హింగాన్​ఘాట్​లో ఓ యువతిపై పెట్రోల్​ పోసి సజీవ దహనానికి యత్నించాడో దుండగుడు.

బాధితురాలు ఓ కళాశాలలో అధ్యాపకురాలిగా పనిచేస్తోంది. ఉదయం నందోరీ చౌక్​ దారిలో వెళ్తుండగా.. ఆమెపై పెట్రోల్​ పోశాడు మాజీ ప్రియుడు విక్కీ. ​అందరూ చూస్తూండగానే నిప్పంటించాడు. మంటల్లో కాలిపోతున్న యువతిని రక్షించి జిల్లా ఆసుపత్రికి తరలించారు స్థానికులు. పరిస్థితి విషమంగా ఉందని ఆమెను నాగ్​పుర్​ ఆసుపత్రికి మార్చినట్లు తెలిపారు పోలీసులు. ఘటనకు గల కారణాలపై పోలీసులు.. దర్యాప్తు చేపట్టారు.

ఇదీ చదవండి:రొట్టెలు చేసిన మాజీ ముఖ్యమంత్రి.. వీడియో వైరల్