లాడెన్​ మృతికి గుండెపోటే కారణమా..?

వరుస హత్యలకు పాల్పడి అసోంను గడగడలాడించిన మదగజం కన్ను మూసింది. ఉగ్రవాదిలా ప్రవర్తించిన లాడెన్​ ఏనుగు మృతి చెందింది. అధికారుల చేతిలో బందీ అయిన ఆరు రోజులకే ప్రాణం విడిచింది.

అసోం గోల్​పరాలో పదుల సంఖ్యలో అమాయకుల్ని బలిగొన్న మోస్ట్​ వాంటెడ్​ క్రిమినల్​ ఏనుగు 'లాడెన్' మృతి చెందింది.

లాడెన్​లోని ఉగ్రకోణం

ఈ ఉగ్రవాద ఏనుగు మానుషులపై జాలి చూపకుండా అతి క్రూరంగా తొక్కి చంపేది. మార్చిలో అసోంలోని రంగాగఢ్​ ప్రాంతంలో ఇంట్లో నిద్రిస్తున్న ఓ వ్యక్తిని బయటకు ఈడ్చుకొచ్చి, శరీర భాగాలను నుజ్జ నుజ్జు చేసి మరీ చంపింది. 2018 నుంచి ఇప్పటివరకు గోల్​పరా ప్రాంతంలో దాదాపు 46 మంది ఈ మదగజానికి బలయ్యారు.
ఈ ఏనుగు ఏ సమయంలో ఎలా దాడి చేస్తుందో తెలియక సమీప గ్రామస్థులు చాలా కాలం బిక్కుబిక్కుమంటూ కాలం వెళ్లదీశారు.

బందీ అయిన ఆరు రోజులకే

లాడెన్ ఆగడాలకు అడ్డుకట్టవేసేందుకు​ దానిని బంధించాలనీ అటవీ శాఖ అధికారులు కొన్ని నెలలు ప్రయత్నించారు. ఎట్టకేలకు ఈ నెల 12న ఏనుగును పట్టుకున్నారు. లాడెన్​కు కొత్తగా 'కృష్ట' అని నామకరణం చేశారు.

బంధించిన గజాన్ని ఆరెంజ్​ జాతీయ పార్క్​కు తీసుకువచ్చారు. ​శనివారం రాత్రి వరకు ఆరోగ్యంగానే ఉన్న లాడెన్​ ఏమైందో ఏమో గానీ... ఆదివారం ఉదయం చూసేసరికి శవమై కనిపించింది. లాడెన్ అలియాస్​ కృష్ణ మృతికి గుండెపోటు రావడమే కారణమని పోస్ట్​ మార్టమ్​లో తేలింది.

ఇదీ చదవండి:గొర్రెలు కాస్తున్న పిల్లలపై లారీ​ బోల్తా- ఆరుగురు మృతి