"ఈ వీడియో అందంగా రూపొందించారు. ఇది దేశ ఐక్యతను చూపిస్తుంది. ఈ పాటను నేను ఇంతకు ముందే విన్నాను, కానీ ఈటీవీ సమర్పించిన విధానం భిన్నమైనది, అద్భుతమైనది. ఈ వీడియోకు లోతైన అర్థం ఉంది. " -అశు పస్రిచా, గాంధేయన్ అధ్యయన విభాగాధిపతి, పంజాబ్ యూనివర్సిటీ
మహాత్మ గాంధీ 150వ జయంతి సందర్భంగా ఈటీవీ భారత్ రూపొందించిన ఈ గీతాన్ని, రామోజీ గ్రూప్ సంస్థల ఛైర్మన్ రామోజీరావు ఆవిష్కరించారు. ప్రముఖ సంగీత దర్శకుడు వాసురావు సాలూరి ఈ గీతానికి సంగీతం సమకూర్చారు. దేశ నలుమూలలు, భిన్న సంస్కృతులు కనిపించేలా అజిత్ నాగ్ అద్భుతంగా చిత్రీకరించారు.
ఈ వీడియోలో భారతదేశం నలుమూల నుంచి వచ్చిన గాయకులున్నారు, మహాత్మా గాంధీకి ఎంతో ఇష్టమైన వైష్ణవ జనతో గీతానికి తమ గాత్రంతో స్వరాలు పలికించారు. మానవత్వం, ప్రేమ, తోటి జీవుల పట్ల శ్రద్ధ గురించి చెప్పిన ఈ భజన గీతం అందరినీ విశేషంగా ఆకట్టుకుంటోంది.
"భారత దేశంలో వివిధ భాషల గాయకులు ఈ వీడియోలో కనిపించడం, వివిధ కట్టడాలు, ఈ వీడియో మానవత్వాన్ని ప్రతిబింబించింది." -బ్రిజ్ మోహన్, ఈటీవీ భారత్ పంజాబ్ అనుసంధానకర్త.
"ఈ వీడియో భారతదేశంలోని వివిధ ప్రదేశాలలో చిత్రీకరించారు. ఈ భజన గాంధీ తత్వాన్ని ఒక ప్రత్యేకమైన రీతిలో సూచిస్తుంది. ఈ వీడియో వైవిధ్యంలో ఐక్యతా సందేశాన్ని ఇస్తుంది"-డాక్టర్ కిరణ్ చౌహాన్, రచయిత.
తమిళం (పీ ఉన్నికృష్ణన్), తెలుగు (ఎస్పీ బాలసుబ్రహ్మణ్యం), కన్నడం (పీ విజయ్ ప్రకాష్), గుజరాతీ (యోగేశ్ గాధవి), అసోమీ (పులక్ బెనర్జీ), మరాఠీ (వైశాలి మేడ్), మలయాళం (పి.ఎస్. ), బెంగాలీ (హైమంతి సుక్లా), ఒడియా (సుబాష్ చంద్ర దాస్), హిందీ (చన్ను లాల్ మిశ్రా, సలామత్ ఖాన్) వంటి పలు భాషల్లో దేశ పితామహుడికి గొప్ప నివాళి అర్పించిన తీరు అందరినీ కట్టిపడేస్తోంది.
