పెళ్లివేడుక నుంచి వెళ్తుండగా రోడ్డు ప్రమాదం.. 8మంది మృతి

అసోం ఓరంగ్ జిల్లాలో జరిగిన ఘోర రోడ్డు ప్రమాదంలో 8 మంది మృతి చెందారు. వివాహ వేడుకకు హాజరై తిరిగి వెళ్తుండగా ట్రక్కు-కారు ఢీకొని ప్రమాదం సంభవించింది.

అసోం ఓరంగ్​ జిల్లా గువాబిల్​లో 15వ నెంబరు జాతీయ రహదారిపై రోడ్డు ప్రమాదం జరిగింది. ట్రక్కు-కారు ఢీకొన్న ఘటనలో ఎనిమిది మంది మరణించారు. వీరంతా ఓ వివాహ వేడుకకు హాజరై మంగల్తోవ్​ నుంచి తేజ్​పుర్​కు వెళ్తుండగా ట్రక్కు వెనుక భాగాన్ని కారు ఢీకొని ప్రమాదం జరిగింది.

కారులో చిక్కుకున్న మృతదేహాలను స్థానికులు బయటకు తీశారు.

ఇదీ చూడండి: 7 వేల మంది బాలికల కాళ్లు కడిగిన ఉపాధ్యాయుడు