కశ్మీర్​ బస్సు ప్రమాదంలో 10కి చేరిన మృతులు

కశ్మీర్​లో బస్సు అదుపుతప్పి లోయలో పడిన ఘటనలో 10మంది ప్రాణాలు కోల్పోయారు. మరో 36 మంది తీవ్రంగా గాయపడ్డారు. రాజౌరీ జిల్లాలో ఈ ఘటన చోటుచేసుకుంది.

జమ్ముకశ్మీర్​లో సంభవించిన ఘోర రోడ్డు ప్రమాదంలో మృతుల సంఖ్య 10మందికి చేరింది. మరో 36మంది గాయపడ్డారు. వీరిలో 14మంది పరిస్థితి విషమంగా ఉంది. గురువారం జమ్ము నుంచి సురంకోట్​ వెళ్తుండగా రాజౌరీ జిల్లాలో ప్రైవేటు బస్సు అదుపుతప్పి లోయలో పడింది. ప్రమాదం సమయంలో బస్సులో సంఖ్యకు మించిన ప్రయాణికులున్నట్టు తెలుస్తోంది.

ఆరోగ్యం విషమంగా ఉన్న 14మందిని జమ్ములోని జీఎమ్​సీ ఆసుపత్రికి తరలించి ప్రత్యేక చికిత్స అందిస్తున్నట్టు పోలీసులు తెలిపారు.

రోడ్డు ప్రమాదంపై జమ్ముకశ్మీర్​ కాంగ్రెస్​ అధ్యక్షుడు గులామ్​ అహ్మద్​ మీర్​ దిగ్భ్రాంతి వ్యక్తం చేశారు. మృతుల కుటుంబాలకు సంతాపం తెలిపారు. వారికి ప్రభుత్వం వెంటనే ఆర్థిక సహాయం చేయాలని అభ్యర్థించారు.