ఈటీవీ భారత్​ కథనానికి స్పందన.. దప్పెర్లకు జనకళ

కడప జిల్లా జమ్మలమడుగు మండలం దప్పెర్ల గ్రామం.. చాలా ఏళ్ల క్రితం జరిగిన హత్య ఆ గ్రామం ఉనికినే ప్రశ్నార్థకంగా మార్చింది. గ్రామస్థులంతా ఊరు వదిలి వెళ్లిపోవడం వల్ల ఆ పల్లె బోసిపోయింది. ఏడాది కాలంగా ఒకే ఒక వృద్ధుడు మాత్రమే అక్కడ నివసిస్తున్నాడు. దీనిపై ఈటీవీ భారత్ ప్రసారం చేసిన కథనానికి ఊరును విడిచిన గ్రామస్థులు చలించిపోయారు. తమ పల్లెకు చేరుకుంటున్నారు.

కడప జిల్లా జమ్మలమడుగు మండలం దప్పెర్ల గ్రామం.. ఇక్కడ గతంలో జరిగిన హత్య కారణంగా ఊరు మొత్తం ఖాళీ అయ్యింది. ఏడాది కాలంగా శేషం దానం అనే వృద్ధుడు మాత్రమే అక్కడ నివసిస్తున్నాడు. ఆ పరిస్థితులను ఈనెల 5న ఊరిలో ఒకే ఒక్కడు పేరిట ఈటీవీ, ఈటీవీ భారత్ కథనాన్ని ప్రసారం చేసింది. ఇది ఆ ఊరు వదిలి వెళ్లిన ప్రజలను ఆలోచింపజేసింది. కన్నతల్లి లాంటి ఊరును గుర్తు తెచ్చుకుని మళ్లీ సొంత గ్రామానికి చేరాలని తలచారు. ఎవరికి వారు గ్రామంలోని కంప చెట్లను, పిచ్చి మొక్కలను పొక్లెయిన్​ సాయంతో తొలగించుకుంటున్నారు. తమ ఇళ్ల పరిస్థితిని చూసి గ్రామస్థులు చలించిపోయారు. ప్రభుత్వం స్పందించి ఉపాధి చూపితే ఇక్కడే పూర్తిగా ఉంటామని చెబుతున్నారు.

ఇవి కూడా చదవండి: