అమ్మాయి పేరుతో ఫేస్బుక్లో పరిచయమై.. ఆన్లైన్ మోసాలకు పాల్పడిన నైజీరియా వ్యక్తితో అతనికి సహకరించిన మరో వ్యక్తిని విశాఖ పోలీసులు దిల్లీలో అరెస్టు చేశారు. కేసు వివరాలను విశాఖ కమిషనర్ ఆర్.కె.మీనా వెల్లడించారు. బర్మింగ్హమ్కు చెందిన అన్నారోస్గా నిందితులు నగరానికి చెందిన విశ్రాంత ఉద్యోగికి పరిచయం అయ్యారు. ఫేస్బుక్ సంభాషణ తరువాత విలువైన బహుమతులు పంపిస్తున్నట్లు బాధితుడిని నమ్మించారు. బహుమతుల్లో భారీగా విదేశీ నగదు ఉందని కస్టమ్స్ అధికారులుగా నిందితులు బాధితుడుని ఫోన్లో సంప్రదించారు.
నగదును అప్పగించే నిమిత్తం కొంత సొమ్ము చెల్లించాల్సి ఉంటుందని చెబుతూ... బాధితుడి నుంచి వివిధ అకౌంట్లకు 34 లక్షల19 వేల రూపాయల నగదును జమ చేయించుకున్నారు. అయినా నగదు, బహుమతులు రాకపోవంటతో మోసపోయామని గ్రహించిన బాధితుడు సైబర్ క్రైం పోలీసులను ఆశ్రయించాడు. కేసు నమోదు చేసుకున్న పోలీసులు నిందితులు ఇజుమెజు లక్కీ ఓఝూతోపాటు హర్యానాకు చెందిన దీపక్లను దిల్లీలో అరెస్టు చేశారు. వారి నుంచి 2 లక్షల నగదు, 95 సిమ్ కార్డులు, 5 ఏటీఎం కార్డులు, ల్యాప్టాప్, 7 సెల్ఫోన్లు స్వాదీనం చేసుకున్నారు.
ఇదీచదవండి
