ప్లాన్ చేశారు... బ్యాటరీల దొంగను పట్టారు

రెండేళ్లుగా తమ లారీల్లో అమర్చిన బ్యాటరీలు వరుసగా చోరీకి గురవుతున్నాయి. దీనిపై దృష్టి సారించారు ఆ లారీ యజమానులు. పక్కా ప్రణాళిక ప్రకారం దొంగను పట్టుకుని పోలీసులకు అప్పగించారు. శ్రీకాకుళం జిల్లా నరసన్నపేటలో జరిగిన ఘటన వివరాలివి.

శ్రీకాకుళం జిల్లా నరసన్నపేటలో లారీల్లో అమర్చిన బ్యాటరీలు చోరీ చేస్తోన్న హరీష్​ కుమార్​ అనే యువకుణ్ని లారీ ఓనర్స్​ సంఘం ప్రతినిధులు పట్టుకున్నారు. రెండేళ్లుగా పట్టణంలోని లారీల్లో వరుస బ్యాటరీ దొంగతనాలు జరుగుతున్నాయి. ఇప్పటి వరకూ 200 బ్యాటరీలు చోరీకి గురయ్యాయని లారీ అసోసియేషన్ అధ్యక్షుడు బాలకృష్ణ తెలిపారు. చాలా తెలివిగా చోరీ చేస్తూ తప్పించుకుంటోన్న హరీష్​ను ప్రణాళిక ప్రకారం పట్టుకుని... పోలీసులకు అప్పగించారు.

ఇదీ చూడండి: