సంతకవిటిలో వైకాపా, తెదేపా వర్గీయుల మధ్య ఘర్షణ

శ్రీకాకుళం జిల్లా సంతకవిటి మండలం శ్రీహరినాయుడుపేట గ్రామంలో వైకాపా, తెదేపా వర్గీయుల మధ్య ఘర్షణ తలెత్తింది. ఈ వివాదంలో పలువురు గాయపడగా.. వారిని రాజాం ప్రభుత్వాసుపత్రికి తరలించారు.

శ్రీకాకుళం జిల్లా సంతకవిటి మండలం శ్రీహరినాయుడు పేటలో వైకాపా, తెదేపా వర్గీయుల మధ్య ఘర్షణ తలెత్తింది. కుళాయి పైపులైను విషయంలో ఇరు పార్టీల వారు ఒకరిపై ఒకరు దాడి చేసుకున్నారు. ఈ వివాదంలో పలువురికి గాయాలయ్యాయి. క్షతగాత్రులను స్థానికులు రాజాం ప్రభుత్వాసుపత్రికి తరలించారు. రాజాం రూరల్ సీఐ శ్రీనివాసరావు... సంతకవిటి ఎస్సై రామారావు గ్రామంలో పరిస్థితిని సమీక్షించారు. ఘటనపై పోలీసులు కేసు నమోదు చేసి దర్యాప్తు చేస్తున్నారు. వైకాపా వర్గీయులు సంతకవిటి పోలీస్​ స్టేషన్​కు పెద్ద ఎత్తున చేరుకుని కొట్లాటకు కారకులైన తెదేపా వారిపై చర్యలు తీసుకోవాలంటూ ఆందోళన చేపట్టారు.

ఇదీ చూడండి: వైకాపా - తెదేపా వర్గాల మధ్య ఘర్షణ.. 11 మందికి గాయాలు