'4 నెలల్లో 4 లక్షల ఉద్యోగాలు సీఎం జగన్ ఘనత'

సీఎం జగన్ అవినీతిరహిత పాలన చూసి ఓర్వలేకే తెదేపా అధినేత చంద్రబాబు విమర్శలు చేస్తున్నారని మంత్రి బాలినేని శ్రీనివాసులురెడ్డి ఆరోపించారు. ఎన్నికల్లో ఇచ్చిన హామీని నెరవేర్చిన ఘనత సీఎం జగన్​కే చెందుతుందన్నారు. కలెక్టర్ పోలా భాస్కర్​తో కలిసి ప్రకాశం జిల్లా కొత్తపట్నం గ్రామ సచివాలయాన్ని మంత్రి ప్రారంభించారు.

ముఖ్యమంత్రి జగన్ మోహన్ రెడ్డి పాలన చూసి ఓర్వలేక తెదేపా అధినేత చంద్రబాబు విమర్శలు చేస్తున్నారని మంత్రి బాలినేని శ్రీనివాసులురెడ్డి అన్నారు. ప్రకాశం జిల్లా కొత్తపట్నం గ్రామ సచివాలయాన్ని మంత్రి ప్రారంభించారు. వలంటీర్ల వ్యవస్థపై చంద్రబాబు అనవసర రాద్ధాంతం చేస్తున్నారని ఆక్షేపించారు. తన స్థాయి దిగజారి చంద్రబాబు మాట్లాడుతున్నారని విమర్శించారు. 4 నెలల్లో 4 లక్షల మందికి ఉద్యోగాలు అందించిన ఘనత సీఎం జగన్​కే చెందుతుందన్నారు. బాబు వస్తే జాబు వస్తుందని మోసం చేసిన వ్యక్తి చంద్రబాబు అని ఆరోపించారు. ఈ కార్యక్రమంలో పార్లమెంట్ సభ్యుడు మాగుంట శ్రీనువాసులరెడ్డి, కలెక్టర్ పోలా భాస్కర్ పాల్గొన్నారు.

ఇదీ చదవండి :

'నియామకాల్లో అవకతవకలు రుజువు చేస్తే...రాజీనామా చేస్తా'