ప్రకాశం జిల్లా మద్దిపాడు మండలం పేర్నమెట్ట లింగంగుంట డొంక వద్ద అతికిరాతకంగా తల్లీబిడ్డను తగులబెట్టి హతమార్చిన ఘటనలో అద్దంకి కోటేశ్వరరావు నిందితుడుగా పోలీసులు గుర్తించారు. నిందితున్ని అదుపులోకి తీసుకున్న పోలీసులు రహస్య ప్రదేశంలో విచారిస్తున్నారు. ఇప్పటికే కేసును ఛేదించిన పోలీసులు మృతురాలు శ్రీలక్ష్మీ , బిడ్డ వైష్ణవి వివరాలు సేకరించారు.
తల్లిదండ్రులతో కలిసి కోటేశ్వరరావు నిత్యం శ్రీలక్ష్మీని కష్టపెట్టేవారని...అత్తమామల వేధింపులకు సంబంధించి తనతో శ్రీలక్ష్మీ చరవాణిలో మాట్లాడేదని మృతురాలి అక్క తెలిపారు. వైద్యం నిమిత్తం నెల్లూరు నుంచి ఒంగోలు వచ్చిన తన చెల్లికి కోటేశ్వరరావు ఆసుపత్రిలో పరిచయం చేసుకుని ప్రేమించినట్లు నమ్మంచి వివాహం చేసుకున్నాడని తెలిపింది. తన చెల్లి చావుకు కారకులైన వారిని కఠినంగా శిక్షించాలని జయలక్ష్మీ, తమ్ముడు నాగేంద్ర కోరారు.
ఇదీ చూడండి
