రూ.20 లక్షల విలువైన ఎర్రచందనం పట్టివేత

ప్రకాశం జిల్లా చిన్నకందుకూరులో 45 ఎర్ర చందనం దుంగలను అటవీ అధికారులు స్వాధీనం చేసుకున్నారు. ఓ వ్యక్తిని అదుపులోకి తీసుకొని విచారిస్తున్నారు. పట్టుబడిన ఎర్రచందనం విలువ సుమారు రూ.20 లక్షలు వరకూ ఉంటుందని అధికారులు తెలిపారు.

రవాణాకు సిద్ధంగా ఉంచిన 45 ఎర్రచందనం దుంగలను ప్రకాశం జిల్లా చిన్నకందుకూరులో అటవీ అధికారులు స్వాధీనం చేసుకున్నారు. గ్రామానికి చెందిన సురేంద్ర నాథ్​రెడ్డి అనే వ్యక్తి తన పొలంలో ఎర్ర చందనాన్ని దాచాడు. విషయం తెలుసుకున్న కడప జిల్లా రైల్వే కోడూరుకు చెందిన టాస్క్​ఫోర్స్ పోలీసులు... మార్కాపురం ఫారెస్ట్ అధికారులకు సమాచారం అందించారు. ఘటనా స్థలానికి చేరుకున్న అధికారులు నిందితుణ్ని అదుపులోకి తీసుకొని దుంగలను స్వాధీనం చేసుకున్నారు. వీటి విలువ సుమారు రూ.20 లక్షలు వరకు ఉంటుందని డీఎఫ్ఓ ఖాదర్ భాషా తెలిపారు. ఎక్కడైనా ఎర్ర చందనం తరలిస్తున్నట్లు తెలిస్తే తమకు సమాచారం అందించాలని... అలాంటి వారి వివరాలు గోప్యంగా ఉంచటంతోపాటు తగిన పారితోషకం ఇస్తామని తెలిపారు.

ఇదీ చదవండి: