ముఖ్యమంత్రి వైఎస్ జగన్... ఆరు నెలల పాలనపై తెదేపా నేత భూమా అఖిలప్రియ ఆదివారం పుస్తకం విడుదల చేశారు. ఆళ్లగడ్డలోని ఆమె నివాసంలో ఈ పుస్తకాన్ని ఆవిష్కరించారు. సీఎం జగన్ తన పాదయాత్రలో 'నేను ఉన్నాను... నేను విన్నాను' అంటూ ప్రజలను ప్రలోభాలకు గురి చేసి... ఎన్నికల్లో గెలిచారన్నారు. 6 నెలల పాలనలో... అంతట అవినీతి, అక్రమాలేనని ఆరోపించారు. మంత్రులు ఏ నిమిషాన ఏం మాట్లాడతారో తెలియడం లేదన్నారు. మద్యపాన నిషేధం పేరుతో గ్రామగ్రామాన గొలుసు దుకాణాలను ఏర్పాటు చేసి... వైకాపా నాయకులకు లబ్ధి చేకూరుస్తున్నారని ధ్వజమెత్తారు. రాబోయే రోజుల్లో ఈ ప్రభుత్వానికి ప్రజలే తగిన బుద్ధి చెబుతారన్నారు.
''సీఎం జగన్ పాలనపై పుస్తకం విడుదల''
