'రాయలసీమలో హైకోర్టు ఏర్పాటు చేయండి'

శ్రీభాగ్ ఒప్పందం ప్రకారం హైకోర్టు రాయలసీమలో ఏర్పాటు చేయాలని కర్నూలు జిల్లా నంద్యాలలో న్యాయవాద, ప్రజాసంఘాలు రాస్తారోకో నిర్వహించాయి.

రాయలసీమలో హైకోర్టు ఏర్పాటు చేయాలని డిమాండ్​ చేస్తూ కర్నూలు జిల్లా నంద్యాలలో న్యాయవాద, ప్రజాసంఘాలు రాస్తారోకో నిర్వహించాయి. న్యాయవాదులు, వివిధ విద్యార్థి సంఘాల నాయకులు హైదరాబాద్​ - బెంగళూరు జాతీయ రహదారిపై భైఠాయించి నిరసన తెలిపారు. వీరి ఆందోళనతో రాకపోకలకు తీవ్ర అంతరాయం ఏర్పడింది. సమాచారం అందుకున్న పోలీసులు అక్కడికి చేరుకుని పరిస్థితిని చక్కదిద్దారు. రాయలసీమలో హైకోర్టు, రాజధాని ఏర్పాటు చేసేంతవరకూ పోరాటం సాగిస్తామని నంద్యాల బార్​ అసోసియేషన్​ సంఘ అధ్యక్షుడు నాగరాజు అన్నారు.

ఇదీ చదవండి:సీఎంను కలిశాకే వెళ్తాం.. న్యాయవాదుల ఆందోళన!