రాజ్భవన్లో దీపావళి వేడుకలు సందడిగా జరిగాయి. గవర్నర్ బిశ్వ భూషణ్ హరిచందన్ అనాథ విద్యార్థులతో కలిసి పండుగ జరుపుకున్నారు. దీపావళి అంటే చెడుపై మంచి విజయమని ...ప్రతి ఒక్కరూ పండుగలను పర్యావరణహితంగా జరుపుకోవాలని పిలుపునిచ్చారు.
కాలుష్య నివారణయే...ధ్యేయం.
దీపావళి అంటే టపాసులు పేల్చడం కాదని ..పర్యావరణ హితాన్ని కోరుతూ పండుగను జరుపుకోవడమని రాష్ట్ర గవర్నర్ బిశ్వ భూషణ్ హరిచందన్ నిరూపించారు . రాజ్భవన్లో పర్యావరణాన్ని కాలుష్యం చేసే టపాసులను గవర్నర్ నిషేదించారు. దీపావళి వేడుకల్లో గవర్నర్ దంపతులు పాల్గొన్నారు. అనాథాశ్రమ విద్యార్ధులకు వస్త్రాలు పంపిణీ చేశారు . వారితో కలిసి ఫొటోలు దిగారు. అనంతరం పిల్లలతో కలిసి భోజనం చేశారు.
ఆకట్టుకున్న సాంస్కృతిక కార్యక్రమాలు
సాంస్కృతిక, సాంప్రదాయాల మేళవింపుగా పండుగలను జరుపుకోవాలని ఈ సందర్భంగా గవర్నర్ బిశ్వ భూషణ్ పిలుపునిచ్చారు. దీపావళి అంటే చెడుపై మంచి సాధించిన విజయమని తెలిపారు. వేడుకల్లో భాగంగా ప్రదర్శించిన డప్పు వాద్యాలు , లంబాడ నృత్యాలను ఆకట్టుకున్నాయి. కైకలూరు ఆశ్రమ విద్యార్ధుల యోగాసనాలతో ఆకట్టుకున్నారు. మిమిక్రీ, ఇంద్రజాలం అబ్బురపరిచాయి.
దీపావళి శుభసందర్భంగా ప్రజలందరికీ నా శుభాకాంక్షలు. ఈ పండుగ అందరికీ సుఖ సంతోషాలు, భోగభాగ్యాలు కలుగజేయాలని కోరుకుంటున్నా. చెడుపై మంచి గెలుపుకు దీపావళి ప్రతీకగా నిలుస్తోంది. శాంతికి, మతసామరస్యానికి, నవసమాజ నిర్మాణానికి ఇలాంటి పండుగలు తోడ్పడతాయని నేను ప్రగాఢంగా నమ్ముతున్నాను .
బిశ్వ భూషణ్ హరిచందన్ , గవర్నర్
