డ్రైవర్​ అవతారమెత్తిన మంత్రి.. ట్రాక్టర్​ నడుపుతూ సందడి

గుడివాడలో మంత్రి కొడాలి నాని సందడి చేశారు. మార్కెట్​ యార్డు నుంచి రైసుమిల్లుకు స్వయంగా ట్రాక్టర్​ నడిపారు.

మంత్రి కొడాలి నాని ధాన్యం లోడుతో ఉన్న ట్రాక్టర్​ని నడుపుతూ గుడివాడలో సందడి చేశారు. కృష్ణాజిల్లా గుడివాడ మార్కెట్ యార్డులో ఏర్పాటు చేసిన ధాన్యం కొనుగోలు కేంద్రాన్ని మంత్రి కొడాలి ప్రారంభించారు. అనంతరం ధాన్యం బస్తాల లోడుతో ఉన్న ట్రాక్టర్​ను తానే స్వయంగా మార్కెట్ యార్డ్ నుంచి రైసుమిల్లుకు తరలించారు. సుమారు ఐదు కిలోమీటర్ల మేర ట్రాక్టర్​ నడిపారు. దారి పొడుగునా అభిమానులకు అభివాదం చేస్తూ సందడి చేశారు.