'రాబోయే రోజుల్లో వైకాపా మూల్యం చెల్లించుకోక తప్పదు'

గణతంత్ర దినోత్సవం రోజున తెనాలిలో 144 సెక్షన్ పెట్టడం ప్రజల హక్కులకి సమాధి కట్టడమేని గుంటూరు జిల్లా తెదేపా అధ్యక్షుడు జీవి ఆంజనేయులు అన్నారు. రాబోయే రోజుల్లో వైకాపా ప్రభుత్వం ఇందకు తగిన మూల్యం చెల్లించుకోక తప్పదని హెచ్చరించారు.

రాజధాని గురించి శాంతి యుతంగా జేఏసీ శిబిరంలో నిరసన తెలియజేస్తుంటే... వైకాపా శ్రేణులు జేఏసీ శిబిరానికి నిప్పంటించడం దురదృష్టకరమని తెదేపా పొలిట్ బ్యూరో సభ్యురాలు గల్ల అరుణకుమారి అన్నారు. గుంటూరు జిల్లా తెనాలిలో ఈనెల 25న జరిగిన సంఘటనపై తెదేపా నాయకులు మీడియా సమావేశం నిర్వహించారు. ఈ సందర్భంగా గల్లా అరుణకుమారి మాట్లాడారు. ఇలాంటి ఘటనలపై కేంద్ర ప్రభుత్వం దృష్టి పెట్టాలన్నారు. ప్రధాని మోదీ రాజధాని అమరావతి విషయంలో కలగజేసుకోవాలని కోరారు. గణతంత్ర దినోత్సవం రోజున 144 సెక్షన్ పెట్టడం ప్రజల హక్కులకి సమాధి కట్టడమని గుంటూరు జిల్లా తెదేపా అధ్యక్షుడు జీవీ ఆంజనేయులు అన్నారు. ఈనెల 25న తెనాలిలో జరిగిన సంఘటనలు చాలా బాధాకరమన్నారు. రాబోయే రోజుల్లో వైకాపా ప్రభుత్వం తగిన మూల్యం చెల్లించుకోక తప్పదని ఆయన హెచ్చరించారు.

ఇదీ చూడండి: తెనాలిలో ఐకాస దీక్షా శిబిరానికి నిప్పుపెట్టిన వైకాపా కార్యకర్తలు