'అసెంబ్లీలో ఎలా వ్యవహరిస్తారో.. అది వంశీ ఇష్టమే'
ప్రజా సమస్యలు పరిష్కారమవ్వాలంటే అసెంబ్లీలో అందరూ సమయాన్ని సద్వినియోగం చేసుకోవాలని స్పీకర్ తమ్మినేని సీతారాం అన్నారు. గుంటూరు జిల్లా మంగళగిరిలో శ్రీలక్ష్మీనరసింహ స్వామిని సభాపతి దర్శించుకున్నారు. ఆలయ అధికారులు సభాపతికి ఘనస్వాగతం పలికారు. అనంతరం ప్రత్యేక పూజలు నిర్వహించారు. గన్నవరం శాసనసభ్యులు వల్లభనేని వంశీ తనకు తెలిసినంత వరకు తెదేపాకు రాజీనామా చేశారని సభాపతి అన్నారు. శాసనసభ సమావేశాల్లో వంశీ స్వతంత్రంగా వ్యవహరిస్తారా లేదా అనేది వంశీ ఇష్టమని తెలిపారు. సమావేశాలు మొదటిరోజు వంశీ అంశంపై నిర్ణయం తీసుకునే అవకాశం ఉందన్నారు. ప్రస్తుతం ఓ సినిమాలో సభాపతి స్థానాన్ని అగౌరపరిచేలా చిత్రీకరణ ఉందని విమర్శించారు. అది ఆ దర్శకుడి విజ్ఞతకే వదిలేస్తున్నట్లు చెప్పారు.
ఇదీ చదవండి: తెదేపా నుంచి వల్లభనేని వంశీ సస్పెన్షన్
